“Siyahıya YAP baxır” - Adı siyahıya düşməyən rektor-deputat
“Mən bundan sonra rektorluğumu davam etdirəcəyəm”.
“Qafqazinfo” xəbər verir ki, bu fikirləri musavat.com-a adı YAP-ın seçki siyahısında olmayan deputat, “Odlar Yurdu” Universitetinin rektoru Əhməd Vəliyev söyləyib.
Rektor etiraf edib ki, o, partiyanın şərtini qəbul edərək belə bir qərar verib: “Təbii ki, partiya nə məsləhət görürsə, o da olmalıdır. Üstəlik, siyahıya YAP baxır. Özü də 10 il deputat olmuşuq, daha nə qədər deputat olmaq olar?”
“Şəxsən siz hansını seçərdiniz, millət vəkilliyini, yoxsa rektorluğu?” sualına cavabında Ə.Vəliyev belə cavab verib:
“Mən rektoram, işimi buraxa bilmərəm ki. Mən universitet yaratmışam”. Ə.Vəliyev onun yerinə verilən namizədlə bağlı yalnız bunları bildirib: “O namizədi tanımıram, bilmirəm harda işləyir, kimdir”.
Son Xəbərlər
- 1
- 2
- 3
- 4
- 5
- 6
