“Sizi həm də Vaqif Mustafazadəyə görə sevirəm” - Əfsanəvi müğənni Bakıda - Fotolar
SSRİ Xalq artisti, əfsanəvi gürcü müğənni Nani Breqvadze Azərbaycanın Xalq artisti Emin Ağalarovun dəvəti ilə Bakıya gəlib.
“Qafqazinfo” xəbər verir ki, ifaçı “Sea Breeze”dəki “Şöhrət xiyabanı”nda onun şərəfinə qoyulmuş “ulduz”un açılışında iştirak edib.
N. Breqvadze hisslərini belə dilə gətirib: “Deməyə söz tapmıram. Sizə hər şeyə görə təşəkkürümü bildirirəm. Əlbəttə, mən çox şadam. Düzünü desəm, imzamın “Şöhrət xiyabanı”nda olacağına hazır deyildim”.
87 yaşlı gürcü müğənni Azərbaycana olan böyük sevgisini bu sözlərlə ifadə edib: “Siz təsəvvür belə etmirsiniz ki, mən bu məmləkəti necə sevirəm. Kiçik yaşlarımdan Bakıda çox olmuşam. Azərbaycan xalqı çox istiqanlı və musiqisevərdir. Sizi həm də ona görə sevirəm ki, məni sizin dahi pianoçu Vaqif Mustafazadə müşayiət edib. Bu, möhtəşəmdir. Sizin mahnılarınızı sevirəm, amma oxuya bilmirəm”.
Xatırladaq ki, bir müddət əvvəl N. Breqvadze və E. Ağalarov duet ifa ediblər. Onlar “Çiçəklər ölkəsi” adlı məşhur gürcü mahnısını dostları, Gürcüstanın Xalq artisti Vaxtanq Kikabidzenin əziz xatirəsinə həsr ediblər.
Son Xəbərlər
- 1
- 2
- 3
- 4
- 5
- 6
