Bakıda keçirilən 17 yaşlılar arasında Avropa Çempionatında çıxış edən Hollandiya millisi komandasının üzvü, əfsanəvi futbolçu Patrik Klyuvertin oğlu Yustin Klyuvert UEFA-nın rəsmi saytına müsahibə verib. “Qafqazinfo” həmin müsahibəni təqdim edir:

- Sizdən atanız haqqında tez-tez soruşurlar?

- Yox. Bəzən hakimlər atam haqqında maraqlanır. Ümumiyyətlə, yorucu sualları vermirlər.

- Atanızla futbol haqqında çox danışırsız?

- Əlbəttə. Hər oyundan sonra ona zəng vururam. Bütün matçlarımı izləyir. Meydanda nəyi düzgün, nəyi yanlış etdiyimi mənə deyir.

- Məsələn, nələr deyir?

- Mənə deyir ki, “bax o topu belə vurmalı idin” və ya “bir az sürərtli oyna”. Bunları başa salır.

- Siz ona qulaq asırsız?

- Əlbəttə. Onun mənə çox köməyi dəyir. Atama qulaq asdıqca dəyişiklikləri hiss edirəm. Növbəti oyunlarımda onun dediklərinə əməl etməyə çalışıram.

- Bacarırsınız?

- Bəzən bacarıram, bəzən yox.

- AVRO-2000-da atanız ¼ finalda het-trik etmişdi…

- Mən atama nisbətən daha çevikəm. Atamın isə boyu hündür idi. Həmin vaxt qolları çox yaxşı vurmuşdu.

- Klyuvert soyadı sizə kömək edir?

- Kömək etməsini istəmirəm. O soyada layiq olmaq lazımdır. Şərəflə atamın soyadını daşımalıyam.

- Atanızla futbol oynayırsız?

- Kiçik meydançalarda bəzən özümüz üçün oynayırıq. Amma böyük meydanda heç vaxt oynamadıq.

- O, yenə hücumçu kimi oynayır?

- Əlbəttə.