Stadion qarşısındakı ağacları süni örtüklə bəzədilər - Foto

Stadion qarşısındakı ağacları süni örtüklə bəzədilər
Oxunma sayı: 2313

Sumqayıt şəhəri, Spartak adına mini futbol meydançasının qarşısında ağacların gövdəsinin süni örtüklə örtülməsi ilə bağlı Dövlət Ekoloji Təhlükəsizlik Xidmətinə daxil olan şikayət araşdırılıb və fakt təsdiqini tapıb. 

ETSN-dən “Qafqazinfo”ya verilən məlumata görə, araşdırma  zamanı sözügedən ünvanda 4 şam ağacının gövdəsinin stadionun işçiləri tərəfindən bəzək məqsədilə süni örtüklə örtüldüyü müəyyən edilib.

Mütəxəssislər tərəfindən keçirilən baxış zamanı ağacların bioloji inkişafda olduğu məlum olub.

Xidmətin əməkdaşlarının nəzarəti altında stadion işçiləri tərəfindən ağacların gövdəsi süni örtükdən təmizlənib və onlara aqrotexniki qulluq göstərilib.