“Sülh danışıqları bir neçə həftə davam edə bilər”

“Sülh danışıqları bir neçə həftə davam edə bilər”
Oxunma sayı: 1496

Ukrayna ilə Rusiya arasında sülh danışıqları bir neçə həftə və daha çox davam edə bilər.

“Qafqazinfo” xəbər verir ki, bunu Ukrayna Prezidenti Volodimir Zelenskinin ofis rəhbərinin müşaviri, Ukrayna nümayəndə heyətinin üzvü Mixail Podolyak “Bloomberg” agentliyinə bildirib.

“Sülh danışıqları bir neçə həftə və ya daha çox davam edə bilər”, - Podolyak deyib.

Xatırladaq ki, Rusiya və Ukrayna nümayəndə heyətləri arasında danışıqların birinci raundu fevralın 28-də Belarusun Qomel vilayətində keçirilib, görüş beş saat davam edib. Tərəflər daha sonra martın 3-ü Belovejskaya Puşçada və martın 7-si isə Brest vilayətində görüşüblər.

Martın 10-da Antalyada keçirilən diplomatik forum çərçivəsində Rusiya və Ukrayna xarici işlər nazirləri Sergey Lavrovla Dmitri Kuleba arasında görüş keçirilib.

Hazırda danışıqlar videobağlantı vasitəsilə gündəlik formatda aparılır.