Sumqayıtdakı partlayışda xəsarət alanların vəziyyəti necədir?
Sumqayıt şəhəri, Yəhya Məmmədov küçəsində yerləşən yataqxana binasında baş verən partlayış nəticəsində xəsarət alan 4 nəfərin (2-si böyük, 2-si uşaq olmaqla) müalicələri Sumqayıt Tibb Mərkəzinin nəzdində olan tibb müəssisələrində davam etdirilir.
Bu barədə “Qafqazinfo”nun sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.
“1986-cı il təvəllüdlü kişi və 1990-cı il təvəllüdlü qadına Təcili Tibbi Yardım Xəstəxanasında, 2013-cü il təvəllüdlü oğlan, 2008-ci il təvəllüdlü qıza isə Uşaq Xəstəxanasında zəruri tibbi xidmətlər göstərilir.
1986-cı il təvəllüdlü şəxsin vəziyyəti stabil, digərlərinin vəziyyətləri isə orta ağır olaraq qiymətləndirilir”, - TƏBİB-dən bildirilib.
Son Xəbərlər
- 1
- 2
- 3
- 4
- 5
- 6
