“Sürücü də deyir ki, “Bolt” keçib fırıldağa” - Video

“Sürücü də deyir ki, “Bolt” keçib fırıldağa”
Oxunma sayı: 7959

Aktrisa Mətanət Eres Bakıda fəaliyyət göstərən “Bolt” taksi şirkətindən şikayətçidir.

“Qafqazinfo” xəbər verir ki, bu barədə o, instaqramda videopaylaşım edib.

Sənətçi bildirib ki, gedişhaqqı 3 manat 37 qəpik göstərildiyi halda şirkət onun kart hesabından 5 manat 90 qəpik məbləğində vəsait çıxıb: “3,37 hara, 5,90 hara! Camaatı niyə bu qədər aldadırlar? Haram yeyərək hara qədər gedəcəklər? Sürücüyə demişəm, o da deyir ki, “Bolt” keçib fırıldağa”.

Aktrisa şirkətin Azərbaycandakı nümayəndəliyinə gedəcəyini bildirib: ““Bolt”un yiyəsinin kim olduğunu bilmirəm, amma bilirəm ki, yedikləri haram tikə bir gün burunlarından gələcək. Hərəmizdən 1,90 manat oğurlasalar hara gedib çıxır?... Camaatı talamaqdan əl çəkin”.