Tacikistan prezidenti ömürlük seçilə bilər
Tacikistan parlamentinin aşağı palatası ölkədə yeni konstitusiya dəyişikliyi təklif edir.
“Qafqazinfo” modern.az-a istinadən xəbər verir ki, təklifin məğzi hazırkı ölkə başçısı İmaməli Rəhmanın ömürlük prezident elan edilməsini nəzərdə tutur.
Bundan başqa, deputatlar prezidentliyə namizəd olanların yaş həddini 35-dən 30-a endirməyi də təklif edirlər. Ölkədə dini təmayüllü siyasi partiyaların qeydiyyatının qadağan olunması da dəyişikliklər arasındadır.
Tacikistanın konstitusiyası 1994-cü il noybrın 6-da qəbul olunmuşdu. 2003-cü ildə əsas qanuna edilən dəyişikliklə prezidentin səlahiyyət müddəti 5 ildən 7 ilə qədər artırıldı.
Bunun sayəsində ölkənin 20 illik əvəzsiz prezidenti İmaməli Rəhman 2020-ci ilə qədər prezident kürsüsünü əlində saxlamaq imkanı əldə etdi.
Son Xəbərlər
- 1
- 2
- 3
- 4
- 5
- 6
