Tarixin ən çox qazanan idmançısı ola bilər
Səudiyyə Ərəbistanının “Əl-Əhli” klubu braziliyalı futbolçu Vinisius Juniorun transferi üçün “Real Madrid”lə danışıqlar aparır.
“Qafqazinfo” xəbər verir ki, bu barədə ESPN nəşri məlumat yayıb.
Bildirilib ki, Ərəbistan təmsilçisi 24 yaşlı forvarda görə “kral klubu”na 1 milyard avro ödəməyə hazırdır.
Keçid reallaşsa, braziliyalı oyunçu tarixin ən çox maaş alan idmançısı olacaq. Müqavilənin qüvvədə olduğu 5 il ərzində Junior bir milyard avrodan çox qazanacaq.
Səudiyyə Ərəbistanında futbolçunu bu ölkədə 2034-cü ildə keçiriləcək dünya çempionatının siması etmək istəyirlər.
İspaniya təmsilçisi futbolçunu klubda saxlamaq istəsə də, Vinisusun müqaviləsində 1 milyard avro sərbəst qalma maddəsi var.
Qeyd edək ki, Vinisius Junior 2018-ci ildən Madrid təmsilçisinin formasını geyinir. O, ötən mövsüm bütün turnirlərdə 39 matçda 24 qol və 11 məhsuldar ötürmə ilə yadda qalıb. Futbolçunun İspaniya klubu ilə müqaviləsi 2027-ci ilin yayınadək nəzərdə tutulub.
“Transfermarkt”ın məlumatına görə, onun transfer dəyəri 180 milyon avrodur.
Onu da xatırladaq ki, futbol tarixinin ən bahalı transferi Neymarın 2017-ci ildə 222 milyon avroya “Barselona”dan PSJ-yə keçməsidir.
Son Xəbərlər
- 1
- 2
- 3
- 4
- 5
- 6
