"Hazırda 3 karantin xəstəxanası var və bunlar Astara, Cəlilabad və Qobustanda yerləşir".
"Qafqazinfo" xəbər verir ki, bunu TƏBİB-in şöbə müdiri Yaqut Qarayeva bildirib.
Qurum rəsmisinin sözlərinə görə, bundan başqa, Biləsuvar, Masallı və Bakıda dəstək xəstəxanaları ayrılıb:
"Sözügedən bölgələrdə yaşayan vətəndaşlar məlumatlandırılıb. TƏBİB-in işçi qrupu ərazidə fəaliyyət göstərir. Vətəndaşlardan mümkün qədər anlayışlı olmalarını xahiş edirik. Gələn insanların sayı həddən artıq çoxdur və biz karantina xəstəxanaları ilə yanaşı, bəzi xəstəxanaları rezerv olaraq saxlamaq məcburiyyətindəyik".