Təcavüzkara 100 şallaq və edam cəzası verildi
“Qafqazinfo”nun məlumatına görə, bu haqda İranın “Mehr” agentliyi məlumat yayıb. Tehranın şimalındakı Kərəc şəhərində 10-12 yaşlı üç uşağı qaçıraraq təcavüz edən şəxsə edam hökmü verilib. 27 yaşlı məhkum minlərlə insanın gözü qarşısında soyundurularaq 100 dəfə şallaqlanıb və daha sonra edam olunub.
Bu gün eyni zamanda İranın cənubundakı Şiraz şəhərində təcavüz, adamqaçırma və silahlı soyğunda günahlandırılan 28-30 yaşlı dörd şəxs edam edilib. Eyni şəhərdə 2 gün əvvəl də bənzəri cinayətlər törədən 3 nəfər edam edilmişdi.
Qeyd edək ki, İranda silahlı soyğun, təcavüz və narkotik qaçaqmalçılığı edən şəxslər edamla cəzalandırılır.
Son Xəbərlər
