Təhlükəli yeni ştam aşkarlanıb - 3 ölkədə yayılıb

Təhlükəli yeni ştam aşkarlanıb
Oxunma sayı: 3791

Üç fərqli ölkədə son dərəcə yüksək mutasiyaya malik olan koronavirusun yeni ştamı aşkar edilib.

“Qafqazinfo” xarici KİV-ə istinadən xəbər verir ki, yeni ştam Cənubi Afrika Respublikası, Botsvana və Honq-Konqda qeydə alınıb.

"B.1.1.529" adlı yeni ştama 10 nəfərin yoluxduğu deyilir. Lakin elm adamları daha çoxunun hələ müəyyən edilmədiyini söyləyirlər. Mutasiyaların profili, virusla mübarizə apara bilən antikorlardan yayınma potensialı ilə əlaqədardır.

Böyük Britaniya Səhiyyə Təhlükəsizliyi Agentliyinin (UKHSA) rəsmiləri və alimləri yeni ştamı izləyir və araşdırır.