Təhsil Nazirliyindən müəllimlərin işə qəbulu ilə bağlı xəbərdarlıq

Təhsil Nazirliyindən müəllimlərin işə qəbulu ilə bağlı xəbərdarlıq
Oxunma sayı: 3123

Təhsil Nazirliyi müəllimlərin sertifikasiyası ilə bağlı məlumat yayıb.

Qurumdan “Qafqazinfo”ya daxil olan məlumatda bildirilir ki, nazirlik müəllimlərin işə qəbulu və sertifikasiya prosesi ilə bağlı heç bir şirkət və ya tədris mərkəzi ilə əməkdaşlıq etmir və bu şirkətlərin fəaliyyətinə görə məsuliyyət daşımır.

"Təhsil Nazirliyi bildirir ki, vətəndaşlara hər hansı şirkət və ya şəxs tərəfindən verilən vəd müəllimlərin işə qəbulu və sertifikasiya prosedurları çərçivəsində heç bir rol oynamır. Belə hallarla qarşılaşan vətəndaşlardan Təhsil Nazirliyinin Çağrı Mərkəzinin 146-3 nömrəli telefonuna (yalnız iş günləri və saatları ərzində) zəng, elektron (https://edu.gov.az/az/contact_us) və rəsmi "Whatsapp" xidmətinə (0512067848) müraciət etmələri xahiş olunur", - məlumatda bildirilib.