Tərtərli şagird beynəlxalq olimpiadada bürünc medal qazandı

Tərtərli şagird beynəlxalq olimpiadada bürünc medal qazandı
Oxunma sayı: 1111

Azərbaycanlı məktəbli Serbiyada keçirilən VII Avropa Coğrafiya Olimpiadasında bürünc medal qazanıb.

"Qafqazinfo" xəbər verir ki, onlayn formada keçirilən və 11 ölkədən məktəblilərin qatıldığı müsabiqədə Tərtər rayonu Mamırlı kənd tam orta məktəbinin XI sinif şagirdi Murad Qarayev bu uğura imza atıb. 

Qeyd edək ki, olimpiadaya qatılan məktəblilərimizin hazırlıq prosesi Təhsildə İnkişaf və İnnovasiyalar üzrə qrant müsabiqəsi çərçivəsində qalib olmuş “Beynəlxalq Coğrafiya Olimpiadalarına hazırlıq” layihəsi əsasında həyata keçirilib. Layihə iştirakçıları əvvəlki tədris illərinin Respublika fənn olimpiadaları qalibləri arasından seçilib.

2015-ci ildən keçirilən olimpiadada azərbaycanlı şagirdlər bu günədək 3 bürünc medal qazanıb.