“The Guardian” YAP-la bağlı məqaləsinə dəyişiklik etdi
“The Guardian” Yeni Azərbaycan Partiyasının təkzib müraciətindən sonra “feysbuk bizim kimi ölkələrlə maraqlanmır”: Azərbaycan trol şəbəkəsi qadağadan bir neçə ay sonra geri qayıdır” sərlöhvəli məqaləsinə düzəliş vermək qərarına gəlib.
YAP-dan “Qafqazinfo”ya verilən məlumatına görə, yazıda qeyd edilib ki, bu məqalə nəşrindən sonra YAP-dan və feysbukdan verilən məlumatları daxil etmək üçün 15 aprel tarixində redaktə olunub.
Əlavə edilib ki, bu məqalənin dərcindən sonra YAP “Azad söz” səhifəsindəki 6 mart tarixli posta təhqiramiz şərhlər yazan səhifələrlə hər hansı əlaqəsinin olmasını inkar edib.
Feysbukdan daxil olan məlumatı da məqaləyə əlavə edən “The Guardian” yazıb: “Bazar ertəsi günü şirkət etibarsız davranış qaydalarını pozan və “The Guardian” tərəfindən müəyyənləşdirilən 300-dən artıq səhifəni ləğv etdiyini söyləyib. Bu məqalənin nəşrindən sonra feysbuk həmin səhifələrin siyahısını nəzərdən keçirdiyini və YAP-la hər hansı əlaqə tapmadığını bildirib”.
Son Xəbərlər
- 1
- 2
- 3
- 4
- 5
- 6
