Tibbi sığortanın tamamlanması 2021-ci ilə qaldı

Tibbi sığortanın tamamlanması 2021-ci ilə qaldı
Oxunma sayı: 1280

Milli Məclisin bugünkü iclasında “Tibbi sığorta haqqında” qanuna dəyişikliklər müzakirə olunub.

“Qafqazinfo”nun verdiyi xəbərə görə, təkliflərdə qeyd edilib ki, koronavirus pandemiyasına görə İcbari Tibbi Sığorta üzrə Dövlət Agentliyinin, digər qurumların, habelə ölkə üzrə tibb işçilərinin əsas fəaliyyət istiqaməti bu virusa yönəldiyi üçün icbari tibbi sığortanın tətbiqində çətinliklər yaranıb.

Parlamentin qəbul etdiyi qərarla icbari tibbi sığorta ölkənin inzibati ərazi vahidləri üzrə müvafiq icra hakimiyyəti orqanının müəyyən etdiyi qurum tərəfindən müəyyən edilmiş ardıcıllıq nəzərə alınmaqla 2021-ci ildə tamamlanmaq şərtilə mərhələli şəkildə tətbiq olunur.

Bundan öncə bu prosesin 2020-ci ildə başa çatması nəzərdə tutulmuşdu.

Bundan başqa, əməkhaqqının 8000 manatdək hissəsindən ödənilən sığorta haqqının məbləğinə neft-qaz sahəsində fəaliyyəti olmayan və qeyri-dövlət sektoruna aid edilən sahələr üzrə 2022-ci ilin yanvarın 1-dək 50 faiz güzəşt tətbiq ediləcək.


Daha tez məlumatlanmaq üçün yeni Facebook səhifəmizi