Futzal üzrə İspaniya milli komandasının üzvü Xose Migel Kortes “Qafqazinfo”ya müsahibəsi:

- Kolumbiyada keçiriləcək dünya çempionatında Azərbaycan millisi ilə eyni qrupda yer almısız. Ümumiyyətlə, İran və Mərakeşin olduğu bu qrupu necə dəyərləndirirsiz?

- Fikrimcə, dünya çempionatının ən çətin qrupu məhz bizim qrupumuzdur. Azərbaycan millisi son illər çox güclənib. Bu komandanın seleksiyası çox güclüdür. Heyətdə olan futzalçılar çox yaxşı çıxış edirlər.

- İspaniya millisi favoritdir. Digər 3 komandadan hansı növbəti mərhələyə adlaya bilər?

- İran və Azərbaycanın şansları yüksəkdir. Hər ikisi məncə sona qədər rəqabət aparacaqlar. Azərbaycan yığması güclü rəqibləri məğlub edərək Kolumbiyada keçiriləcək final mərhələsinə vəsiqə qazanıb. İranın da gücü bəllidir.

- Azərbaycan millisini dünya çempionatının final mərhələsinə çıxaran məşqçi də İspaniyalı Tino Peres idi...

- Bundan xəbərim var. O, çox güclü məşqçidir. Fikrimcə, Azərbaycan millisi bu məşqçi ilə daha çox irəli gedə bilərdi. Onun komandanızla niyə davam etmədiyi çox təəccüblüdür.

- Onun yığmamız haqqında danışacaqsız?

- Fikrimcə, yox.

- Milli komandamızın üzvlərindən kimi şəxsən tanıyırsız?

- Bir neçə futzalçını tanıyıram və çox güclü oyunçulardır. Amadeu, Rafael kimi oyunçular var.

- Hansı komandalar konkret olaraq dünya çempionatının favortiləridir?

- İspaniya, İtaliya, Braziliya, Rusiya, Portuqaliya, Argentina.

Elsevər