Tonoyan “İskəndər”lə bağlı sualdan qaçdı
Ermənistanın keçmiş müdafiə naziri David Tonoyan İkinci Qarabağ müharibəsi zamanı Ermənistanın Azərbaycana qarşı “İskəndər” raketlərindən istifadə etməsi ilə bağlı suala cavab verməyib.
“Qafqazinfo” “Sputnik Ermənistan”a istinadən xəbər verir ki, Tonoyanın Şuşaya “İskəndər” atılması ilə bağlı suala cavabı belə olub:
“Mən dövlət sirrini açıqlamaq niyyətində deyiləm. Müharibənin gedişi və nəticələri araşdırıldıqdan sonra bütün sualları cavablandıracağam. Araşdırmalarda iştirak etməyə hazıram”.
Tonoyan keçmiş Baş Qərargah rəisi Onik Qasparyanın Təhlükəsizlik Şurasında bir hesabat təqdim etməsi və hələ müharibənin dördüncü günündə hərbi əməliyyatları dayandırmağı təklif etməsi ilə bağlı sualı da cavablandırmayıb. Əvəzində o, “Baş qərargah rəisi məndən xəbərsiz heç bir hesabat təqdim edə bilməz” deyib.
Son Xəbərlər
- 1
- 2
- 3
- 4
- 5
- 6
