“Toya gələnlər “almansayağı” hesab versinlər”
REAL Partiyasının icra katibi, iqtisadçı Natiq Cəfərli pandemiyadan sonra ifrat toy adətlərimizin ləğv edilməsini təklif edib.
“Qafqazinfo” xəbər verir ki, N.Cəfərli feysbukda bildirib ki, bu toy adətləri israfçılıqdır: “İnsanlar dəvətnamə alanda sevinməkdənsə dilxor olurlar, borc alıb toya gedirlər. Toylarda da səs-küy, ağız deyəni qulaq eşitmir, insanın başı ağrıyır, masalar üzərində tonlarla yemək zay olur. Bütün bunlara son vermək lazımdır.
Bunun üçün “Toy amnistiyasına” ehtiyac var. İndiyədək bir-birimizin toyuna saldığımız pulu halal edək, gəlin bu işi birdəfəlik həll edək!
Mən demirəm ki, toy, şənlik olmasın, mütləq olmalıdır, amma bizdəki kimi biabırçılıqla yox. Gənclər özləri 50-100 nəfər arası yaxın dostları ilə əylənsinlər, desinlər, gülsünlər, mahnı oxusunlar, rəqs etsinlər, gələn qonaqlar da simvolik hədiyyələrlə yanaşı, “almansayağı” hesabı versinlər ki, (adambaşına 15-20 manat düşəcək), ailələr heç xərcə düşməsin. Əgər bu virusdan sonra kişilərin öpüşməsini və biabırçı, ifrat toy ənənəsini sındırsaq, bu da böyük kar olacaq”.
Son Xəbərlər
- 1
- 2
- 3
- 4
- 5
- 6
