Tramp 64 yaşlı diplomatı Türkiyəyə səfir təyin etdi
ABŞ Senatı Devid Satterfildin Türkiyə səfiri postuna namizədliyini təsdiqləyib.
“Qafqazinfo”nun “Hurriyet”ə istinadən verdiyi xəbərə görə, bu barədə ABŞ-ın Ankaradakı səfirliyinin tvitter mikrobloqunda məlumat verilib.
“Dünən gecə ABŞ Senatı səfir Devid Satterfildin ABŞ-ın Ankaradakı səfiri postuna namizədliyini təsdiqlədi. Onu qarşılayacağımız günü səbrsizliklə gözləyirik”, - deyə məlumatda vurğulanıb.
Bu məqamda bildirək ki, 64 yaşlı D. Satterfild 2017-ci ildən bu günə qədər ABŞ dövlət katibinin Yaxın Şərq məsələləri üzrə köməkçisi işləyib.
Qeyd edək ki, ABŞ-ın Türkiyədəki sonuncu səfiri Con Bass olub. O, ABŞ və Türkiyə arasındakı viza böhranı zamanı geri çağırılıb.
Son Xəbərlər
- 1
- 2
- 3
- 4
- 5
- 6
