Türkiyə İdlibdə daha 55 Suriya hərbçisini zərərsizləşdirib
Türkiyə Silahlı Qüvvələri son 24 saat ərzində İdlibdə Suriya hökumət qüvvələrinin 55 hərbçisini məhv edib.
“Qafqazinfo” xəbər verir ki, bu barədə Türkiyənin “Sabah” nəşri Milli Müdafiə Nazirliyinə istinadən məlumat yayıb.
“Müxtəlif mənbələrdən alınan son məlumata görə, bu gün İdlib bölgəsində Suriya rejiminin 55 ünsürü zərərsizləşdirilib, - deyə nazirlikdən bildirilib.
Xatırladaq ki, Prezident Rəcəb Tayyib Ərdoğan ötən gün AKP-nin partiya toplantısında çıxışı zamanı Türkiyə ordusunun İdlib vilayəti və Soçi anlaşması ilə müəyyən edilmiş deeskalasiya zonası ilə kifayətlənməyərək Bəşər Əsəd rejiminə bağlı qüvvələrə hər yerdə zərbə endirəcəyini qeyd edib: “Bu gündən etibarən əsgərlərimizə zərər gəldiyi halda İdlib və Soçi anlaşması sərhədləri ilə kifayətlənməyib rejim qüvvələrini hər yerdə vuracağımızı buradan elan edirəm. Bu müddətdə müşahidə nöqtələrində Türkiyəni hədəf alan hər kəs bunun əvəzini yalnız hücum sahəsində deyil, hər yerdə ödəyəcəyini bilməlidir”.
Son Xəbərlər
- 1
- 2
- 3
- 4
- 5
- 6
