Türkiyədə 15 avtomobil bir-birinə girdi - Yaralılar var + Fotolar
Türkiyənin Bolu rayonunun Gərədə qəsəbəsində magistral yolda 15 avtomobilin iştirakı ilə zəncirvari qəza baş verib.
“Qafqazinfo” “CNN Türk”ə istinadən xəbər verir ki, hadisə bir TIR-ın buzlu yolda sürüşməsindən sonra baş verib.
Məlumata görə, TIR sürüşərək yolu kəsdiyi üçün arxadan gələn avtomobillər də ona çırpılıb. Nəticədə biri ağır olmaqla 4 nəfər xəsarət alıb.
Hadisə yerinə çoxlu sayda təcili yardım briqadaları və xilasedicilər cəlb edilib. Yaralılar xəstəxanaya yerləşdirilib.
Əzilən avtomobillər isə xüsusilə texnikalar vasitəsilə yolun hərəkət hissəsindən götürülüb.
Son Xəbərlər
- 1
- 2
- 3
- 4
- 5
- 6
