Türkiyəli deputatlar Azərbaycana görə qırmızı forma geyinmədilər
Bu gün Türkiyənin Antalya şəhərində parlamentlərarası ənənəvi futbol turniri start götürüb.
“Qafqazinfo” qaynarinfo.az-a istunadən xəbər verir ki, günün ilk matçında Türkiyədən olan deputatlarla ukraynalı millət vəkilləri üz-üzə gəlib.
Türklər meydana ənənəvi qırmızı-bəyaz formada yox, qarada çıxıblar. Oyundan əvvəl 1 dəqiqəlik sükut elan olunub. Fasilədə türk deputatlar Türkiyədə baş verən terror hadisələri və Qarabağda şəhid olmuş azərbaycanlı hərbçilərə görə belə geyindiklərini bildiriblər. Onu da bildirək ki, türklər fasiləyə 2:0 öndə yollanıb.
Qeyd edək ki, TRT3 telekanalı vasitəsilə canlı yayınlanan bu oyundan sonra Azərbaycandan olan deputatlar Polşa Seyminin üzvləri ilə qarşılaşacaqlar. Qaliblər sabah finalda görüşəcək.
Son Xəbərlər
- 1
- 2
- 3
- 4
- 5
- 6
