Fransanın Xarici İşlər naziri Jan-İv Le Drian Türkiyənin Suriyanın şimalında apardığı hərbi əməliyyatı pisləyib.
“Qafqazinfo”nun məlumatına görə, bu barədə o, Tvitter hesabında yazıb. XİN başısı bildirib ki, bu, antiterror koalisiyasının səylərini təhlükə altına atır:
“Mən Türkiyənin Suriyada başladığı birtərəfli əməliyyatı pisləyirəm. O, humanitar səyləri və İslam Dövlətinə qarşı olan koalisiyanın təhlükəsizlik sahəsindəki səylərini şübhə altına qoyur və avropalıların təhlükəsizliyini pozmaqla risk edir. Buna son qoyulmalıdır”, - Le Drian sosial şəbəkə hesabında yazıb.