Çin hakimiyyəti koronavirus pandemiyasının ocağı sayılan və 76 gün dünyadan təcrid olunmuş vəziyyətdə qalan Uhandan çıxışa icazə verib. “Qafqazinfo”nun məlumatına görə, bu barədə “RİA Novosti” xəbər verib.
Aprelin 8-nə keçən gecə hakimiyyət yolları açıb və insanlara avtomobildə şəhərdən çıxışına icazə verib.
Qeyd edək ki, Uhan yanvarın 23-dən koronavirus səbəbindən faktiki olaraq dünyadan təcrid olunmuş vəziyyətdə idi. Şəhərə giriş-çıxış tamamilə dayandırılmışdı, metro, avtobus və bərələr fəaliyyət göstərmirdi.
Martın 28-dən Uhana giriş bərpa edilmişdi.