“Çərşənbə günü Ukraynada dinc sakinlərin təxliyəsi 6 humanitar dəhliz üzrə həyata keçiriləcək”.
“Qafqazinfo” “TASS”a istinadən xəbər verir ki, bunu Ukraynanın Baş nazirinin müavini, nəzarət olunmayan ərazilərin reinteqrasiyası üzrə nazir İrina Vereşuk brifinq zamanı deyib.
“Hərbçilər martın 9-u 09:00-dan 21:00-a qədər atəşi dayandırmağa razıdırlar”, - deyə Vereşuk söyləyib.
Onun sözlərinə görə, Enerqodar-Zaporojye, Sumı-Poltava, Mariupol-Zaporojye, Volnovaxa-Pokrovsk, İzyum-Lozovaya istiqamətlərində təxliyə üçün atəşkəs rejimi tətbiq ediləcək.
Bununla yanaşı, Kiyev vilayətinin Borzel, Buça, Borodyanka, İrpen və Qostomel yaşayış yerlərindən Kiyev istiqamətində mülki şəxslərin təxliyəsi həyata keçiriləcək.