Ukraynada həmyerlisini güllələyən azərbaycanlı axtarılır
Ukraynanın Xarkov şəhərində Azərbaycan vətəndaşlarının iştirakı ilə silahlı insident yaşanıb.
“Qafqazinfo”nun “RBK-Ukraina” portalına istinadən verdiyi xəbərə görə, hadisə noyabrın 5-də saat 19:00-da Valentinovsk küçəsində qeydə alınıb.
Məlumata görə, 36 yaşlı Azərbaycan vətəndaşı 30 yaşlı həmyerlisini qarın, çiyin və ayaq nahiyyələrindən güllələyib.
Yaralı şəxs xəstəxanaya yerləşdirilib. Həkimlərin sözlərinə görə, onun vəziyyəti orta ağır qiymətləndirilir.
Faktla bağlı cinayət işi açılıb.
Hazırda Xarkov polisi cinayətkarın tutulması üçün bir sıra zəruri tədbirlər həyata keçirir.
Son Xəbərlər
- 1
- 2
- 3
- 4
- 5
- 6
