Ukraynaya böyük həcmdə yardım ayırdılar

ukraynaya-boyuk-hecmde-yardim-ayirdilar
Oxunma sayı: 3159

 İsveç hökuməti Ukraynaya 13 milyard kron (1,3 milyard dollar) dəyərində hərbi yardım bağışlayacağını bildirib.

“Qafqazinfo” xarici mediaya istinadən xəbər verir ki, bu, İsveçin ölkəyə indiyə qədər verdiyi ən böyük yardım paketidir.

İsveçin Baş nazirinin müavini Ebba Buş qeyd edib ki, bu, Ukraynanın prioritetlər siyahısında birinci yerdə olan avadanlıqlardan ibarətdir: “Buraya hava hücumundan müdafiə, artilleriya sursatları və zirehli texnika daxildir”.

Bundan əlavə mayın 28-də Belçikanın xarici işlər naziri Hadja Lahbib yerli RTL telekanalına müsahibəsində bildirib ki, 2028-ci ilə qədər Ukraynaya 30 F-16 qırıcısı tədarük edəcəklər. O əlavə edib ki, təyyarələrdən birincisi artıq ilin sonuna qədər Ukraynada olmalıdır.