Umud Rəhimoğlu Əl-Cəzirə-nin nümayəndəsi olacaq
Bu barədə Beynəlxalq Avrasiya Mətbuat Fondunun (BAMF) sədri, Beynəlxalq Mətbuat İnstitutunun (BMİ) idarə heyətinin üzvü və Azərbaycan Milli Komitəsinin rəhbəri Umud Rəhimoğlu məlumat verib. Onun sözlərinə görə, Baş Assambleyanın iclasında BMİ-nin büdcəsi idarə heyəti üzvləri tərəfindən təsdiq edilib, müddəti bitməkdə olan idarə heyəti üzvlərinin və yeni heyət üzvlərinin namizədliyi nəzərdən keçirilib. Baş Assambleyada Beynəlxalq Avrasiya Mətbuat Fondunun Sədri Umud Rəhimoğlu tərəfindən namizədliyi irəli sürülən Əl-Cəzirə Telekanalının İnsan Hüquq və Azadlıqları Departamentinin rəhbəri Sami-Əlhajın namizədliyi müzakirəyə çıxarılıb və o, idarə heyətinə üzv seçilib.
Tədbirin mükafatlandırma mərasimində Əl-Monitor xəbər agentliyi ən yaxşı “Azad Media Pioneri” mükafatına, iranlı jurnalist Maşallah Şamzolvaezin isə “Dünya Mətbuat Qəhrəmanı” mükafatına layiq görülüb.
Görüşün sonunda Əl-Cəzirə rəsmiləri U.Rəhimoğlunu Qatarın paytaxtı Doha şəhərində 26-27 May, 2014-cü il tarixində keçiriləcək “8-ci Əl-Cəzirə” Forumunda iştirak etməyə dəvət ediblər. U.Rəhimoğlunun səfəri zamanı Əl-Cəzirə Telekanalı ilə BAMF arasında Əməkdaşlıq Memerandomunun imzalanması və BAMF-ın Əl-Cəzirə telekanalının Azərbaycan üzrə informasiya sözçüsü təyin edilməsi planlaşdırılır.
Son Xəbərlər
- 1
- 2
- 3
- 4
- 5
- 6
