Ümumxalq Hüzn Günü- - 137 şəhid, 744 yaralı
“Qafqazinfo”nun məlumatına görə, 1990-cı il yanvarın 19-dan 20-nə keçən gecə fövqəladə vəziyyət elan edilmədən, Sovet ordusu Azərbaycana qarşı hərbi əməlliyatlara başlayıb. Ordunun Bakının küçələrinə və meydanlara çıxaraq buna öz etirazını bildirən xalq kütlələrinin üzərinə yeridilməsi faciəyə gətirib çıxarıb.
Faciə zamanı 137 insan öldürülüb, 744 adam ağır xəsarət alıb, 841 nəfər isə qanunsuz olaraq həbs edilib. Sovet ordusunun əməliyyatları nəticəsində 200 mənzil, ev, şəxsi və dövlət əmlakı dağılıb.
Bu qanlı hadisələrdən illər keçsə də, Azərbaycan xalqı o müdhiş gecəni daim xatırlayır. 20 Yanvar faciəsi respublikamızda hər il Ümumxalq Hüzn Günü kimi qeyd edilir.
Bu gün Azərbaycanın hökumət və dövlət nümayəndələri, diplomatik korpusun təmsilçiləri, sıravi vətəndaşlar 20 Yanvar faciəsinin qurbanlarının dəfn olunduğu Şəhidlər Xiyabanını ziyarət edəcəklər. Vətəndaşlar 20 saylı orta məktəbin qarşısından Parlament prospekti ilə Şəhidlər Xiyabanı istiqamətində hərəkət edəcəklər.
Son Xəbərlər
