Dünyada son sutka ərzində koronavirusa yoluxanların sayı 284 083 nəfər artaraq 15 581 009-a yüksəlib. “Qafqazinfo” bildirir ki, bu barədə Ümumdünya Səhiyyə Təşkilatı (ÜST) məlumat yayıb.
Bundan əlavə, son 24 saat ərzində daha 6 270 nəfər koronavirusun qurbanı olub. Bununla da koronavirusdan ölənlərin sayı 635 173-ə çatıb.
Daha çox yoluxma halı Şimali və Cənubi Amerikada (8 292 311 nəfər) və Avropada (3 192 041 nəfər) qeydə alınıb.
Qeyd edək ki, ÜST martın 11-də koronavirusu pandemiya elan edib.