Topaz Premyer Liqasının 22-ci turunun son qarşılaşmasında səfərdə “Rəvan” üzərində minimal hesablı qələbədən sonra “Qəbələ”nin futbolçusu Sergey Zenyov jurnalistlərin suallarını cavablandırıb. “Qafqazinfo” xəbər verir ki, estoniyalı futbolçu ağır oyun keçdiyini deyib:

- Çox ağır oyun oldu. İndiki vəziyyətdə əsas 3 xalı bayram etməkdi. Şükürlər olsun ki, qalib gəldik və aktivimizdəki xalların hesabını zənginləşdirdik.

- Nəyə görə autsayderlərlə oyunlarınız belə ağır alınır?

- Bilmirəm, izah tapa bilmirəm.

- İki epizodda ayağının ağrıdığını hiss etdirdin...

- Həqiqətən ağrılar hiss edirəm.

- Son vaxtlar zədən zədə üstünə gəlir...

- Vururlar, məni pis vururlar.

- Bəlkə bu, yaxşı oynamağınla əlaqədardı?

- Deyə bilmərəm (gülümsəyir).

- Qış fasiləsindən sonra daha xoş təsir bağışlayırsan...

- Nə deyim. Hazırlıqlarda var gücümlə məşq etmişəm. Çalışırdım ki, bu dövrədə yaxşı işləyim. Ümid edirəm ki, növbəti görüşlərdə də hər şey istədiyimiz kimi davam edəcək. Ən önəmlisi qələbələrdi.

- Ardıcı 3-cü qələbəni qazandınız. Demək olarmı ki, kollektivdə hər şey qaydasındadı?

- Əlbəttə, qələbə özünəinam hissi gətirir. Və hər növbəti qələbədən sonra əhval-ruhiyyə daha da yaxşılaşır. İnanıram ki, qarşıdakı oyunlarda bundan da yaxşı olacaq.

- Qismətə bax, Antonov zədələndikdən sonra qələbələri sıralayırsınız...

- Əminəm ki, bu, Alekseyin yoxluğu ilə heç cür əlaqəli deyil.

- Komandanın perspektivlərini necə görürsən?

- Qələbə, qələbə, qələbələr və ancaq qələbələr!