“Qafqazinfo” BBC-ə istinadən xəbər verir ki, bu barədə Ukrayna Milli Təhlükəsizlik və Müdafiə Şurasının (SNBO) katibi Aleksandr Turçinov xəbər verib.

Aleksandr Turçinovun sözlərinə görə, ötən ilin Maydan hadisələrində həlak olanların xatirəsini yad etmək məqsədilə keçirilən dinc yürüşə qarşı törədilmiş partlayış məsafədən idarəedici cihaz vasitəsilə həyata keçirlib.

Ukrayna Təhlükəsizliki Xidmətinin (SBU) məlumatına əsasən, partlayış nəticəsində 2 nəfər həlak olub, 11 nəfər yaralanıb.

Ukrayna DİN müşaviri Anton Geraşşenkonun sözlərinə görə, terror aktı peşəkarcasına həyata keçirilib.

"Yürüşün keçəcəyi yolun qırağında yerləşdirilmiş partlayıcı qurğu qarla örtülmüşdü. Partlayıçı qurğu məsafədən idarə olunub. Yürüşçülər həmin yerə çatan kimi partlayış baş verib", Daxili İşlər nazirinin müşaviri bildirib.

Hadisə yerində istintaq-əməliyyat qrupu üzvləri, mütəxəssislər və kriminalist-ekspertlərin işlədiyi qeyd olunur.

Zərərçəkənlərə tibbi yardım göstərilir, onlar xəstəxanalara çatdırılıb.

tərəfindən araşdırma işinin davam etditrildiyi bildirilib.

Məlumatlara görə, Xarkovda partlayış törətməkdə şübhəli bilinən şəxslər saxlanılıb.

Bunu Facebook səhifəsində SBU başçısının müşaviri Markiyan Lubkovski bildirib.

Şahidlərdən birinin sözlərinə görə, partlayış yerli vaxtla günorta saat 1 radələrində İdman sarayı yaxınlığında baş verib.

Partlayış faktı ilə bağlı cinayət işi açılıb.

SNBO katibi Aleksandr Turçinov təhlükəsizlik strukturların Xarkovda antiterror əməliyyatına başladılarını bildirib:"Artıq partlayışın 4 iştirakçısı saxlanılıb, onlardan silah, o cümlədən, qumbaraatan götürülüb."

"Antiterror əməliyyatı davam edir", Aleksandr Turçinov qeyd edib.

Onun təbirincə, SBU-nun məlumatına əsasən, terror aktını törətmiş qrup Rusiyanın Belqorod şəhərində təlim keçib.

Ukraynada Maydan hərəkətinin və Viktor Yanukoviç hakimiyyətinin devrilməsinin 1-ci ildönümü ilə əlaqədar bazar günü paytaxt Kiyev və Ukraynanın bir sıra digər şəhərlərində yürüş aksiyaları keçirilir.