Xerson vilayətinin bir neçə yaşayış məntəqəsi azad edildi
Ukrayna ordusu əks-hücum əməliyyatı ilə Xerson vilayətinin bir neçə yaşayış məntəqəsini azad edib.
“Qafqazinfo” xarici KİV-ə istinadən xəbər verir ki, bu haqda Ukrayna Prezidenti Volodimir Zelenski danışıb.
“Rusiya ordusu tərəfindən Cənuba onlarla hücum cəhdinin qarşısı alınıb. Əks-hücum sayəsində Xerson vilayətində icmaların bir hissəsi artıq azad edilib”, - o deyib.
“Donbasdakı döyüşlər Avropanın ən amansız döyüşlərindən biri kimi tarixə düşəcək. Ukrayna ordusu və kəşfiyyatı taktiki cəhətdən Rusiya hərbçilərini üstələyir”, - deyə Zelenski əlavə edib.
Xatırladaq ki, daha əvvəl Ukrayna hərbçilərinin Donbasda üç kəndi azad etdiyi bildirilmişdi, lakin kəndlərin adı hələ açıqlanmayıb.
Son Xəbərlər
