Xorvatiyada səsvermə başa çatdı - Yenilənib
Bu gün Xorvatiyada prezident seçkilərinin ikinci mərhələsi keçirilir. “Qafqazinfo”nun məlumatına görə, bu barədə respublikanın Dövlət Seçki Komissiyasından məlumat verilib.
Dövlət başçısı postu uğrunda hazırkı Prezident Kolinda Qrabar-Kitaroviç və müxalif Sosial-demokrat Partiyasının lideri, sabiq Baş Nazir Zoran Milanoviç mübarizə aparırlar.
3 milyon 855 min seçki hüququna malik şəxs 6,5 mindən çox məntəqədə səs verəcək. Səsverməni 24 mindən çox yerli və xarici müşahidəçilər izləyir. Məntəqələr saat 07:00-dan 19:00-dək açıqdır.
Xatırladaq ki, seçkilərin birinci mərhələsində 11 namizəd iştirak etmişdi.
**
**
Xorvatiyada keçirilən prezident seçkilərinin ikinci mərhələsinin səsverməsi başa çatıb. “Qafqazinfo”nun “TASS” agentliyinə istinadən məlumatına görə, seçki məntəqələri yerli vaxtla saat 19:00-da (Bakı vaxtı ilə saat 22:00-da) bağlanıb.
Artıq səslərin hesablanmasına başlanılıb.
Son Xəbərlər
- 1
- 2
- 3
- 4
- 5
- 6
