Tikinti materialları bazarında baş verən yanğınla əlaqədar hadisə yerinə 8 briqada cəlb olunub.
Səhiyyə Nazirliyindən “Qafqazinfo”ya bildirib ki, saat 16:05-ə olan məlumata görə, 8 nəfərə yerində yardım göstərilib, 4 nəfər tüstüdən zəhərlənmə diaqnozu ilə Kliniki Tibbi Mərkəzin Toksikologiya şöbəsinə, bir nəfər əlin kəsilmiş yarası diaqnozu ilə Travmatologiya və Ortopediya İnstitutuna gətirilib.
Hazırda ərazidə 2 Təcili Tibbi Yardım briqadası var.
Qeyd edək ki, bu gün səhər saatlarında tikinti materialları satışı ilə məşğul olan “EuroHome”da yanğın baş verib.