Yanğında yaralananların vəziyyəti necədir? - Yenilənib
TƏBİB "Park Qusar" hotelindəki yanğında xəsarət alanların vəziyyəti ilə bağlı məlumat yayıb.
TƏBİB-dən "Qafqazinfo" ya bildirilib ki, hadisə yerinə Qusar Rayon Mərkəzi Xəstəxanasının təcili tibbi yardım briqadaları cəlb edilib.
Hadisə nəticəsində xəsarət alan 6 nəfər Qusar Rayon Mərkəzi Xəstəxanasına yerləşdirilib.
Onların hər birinə zəruri tibbi xidmətlər göstərilib. Xəsarət alanlardan 5-i Nərimanov Tibb Mərkəzinin nəzdində olan Yanıq Mərkəzinə təxliyə edilir. 1 nəfərin müalicəsinə isə Qusar Rayon Mərkəzi Xəstəxanasında davam edilir.
Xəsarət alanlardan ikisinin vəziyyəti ağır, digərlərinin vəziyyəti isə orta ağır qiymətləndirilir.
Qeyd edək ki, xəsarət alanlardan 4-ü hadisə yerində dünyasını dəyişib.
***
Qusar rayonunda baş verən yanğınla əlaqədar xəsarət alanlar Qusar Rayon Mərkəzi Xəstəxanasından Nərimanov Tibb Mərkəzinin nəzdində olan Yanıq Mərkəzinə təxliyə edilib.
Bu barədə “Qafqazinfo”ya TƏBİB-dən bildirilib.
Onların hər birinə zəruri tibbi xidmətlər göstərilib. 4 nəfər ambulator müalicə üçün artıq evə buraxılıb.
Hazırda tibb müəssisəsinin Reanimasiya şöbəsində 1 nəfərin müalicəsinə davam edilir. Gövdənin ön və arxa səthinin termiki yanığı ilə pasiyentin vəziyyəti orta ağır olaraq qiymətləndirilir. Həkim nəzarəti altındadır.
Son Xəbərlər
- 1
- 2
- 3
- 4
- 5
- 6
