Yaponiya iqtisadiyyatında son 10 ildə ən böyük geriləmə
Yaponiya iqtisadiyyatı 2020-ci ildə 4,8% geriləyərək ölkə üzrə ÜDM 529,19 trilyon yenə (təxminən 5 trilyon dollar) bərabər olub.
“Qafqazinfo” xəbər verir ki, Yaponiya Nazirlər Kabinetinin açıqlamasına görə, bu, 2009-cu ildən etibarən ölkə ÜDM-də qeydə alınan ilk azalmadır.
Ötən il Yaponiya mallarının ixracatı yüzdə 12,3%, ölkə üzrə idxal isə 6,8% azalıb.
Xüsusi kapital xərclərində 5,8%, daşınmaz əmlaka investisiyalarda 7,1% azalma müşahidə olunub.
Həmçinin Yaponiya ÜDM-nin yarısından çoxunu təşkil edən özəl istehlakda da 5,9% azalma qeydə alınıb.
Qeyd edək ki, 2008-ci il maliyyə böhranından sonra Yaponiya iqtisadiyyatı 2009-cu ildə 5,7% geriləmişdi. Bu, 1955-ci ildən bəri Yaponiyada qeydə alınmış rekord iqtisadi geriləmə olub.
Son Xəbərlər
- 1
- 2
- 3
- 4
- 5
- 6
