Bakının Nəsimi rayonu ərazisində yeni quraşdırılmış avtobus dayanacağındakı elektron lövhə yoxa çıxıb. Milli.Az-ın məlumatına görə, Cavadxan küçəsindəki dayanacaqda elektron lövhə yeni quraşdırılsa da, bir neçə gün əvvəl sökülüb.
Nəqliyyat Nazirliyinin mətbuat katibliyindən Milli.Az-a bildirildi ki, elektron lövhənin hansı səbəbdən sökülməsi məlum deyil. Məsələ araşdırıldıqdan sonra dəqiq məlumat vermək olar. Lövhənin nasazlıq və ya yol-nəqliyyat hadisəsi zamanı zədələnməsi səbəbindən çıxarılması mümkündür.