Yeni dərs vəsaitləri hazırlanacaq
Bu gün Dövlət İmtahan Mərkəzi (DİM) Direktorlar Şurasının sədri Məleykə Abbaszadə ilə yeni tədris proqramları (kurikulum) əsasında hazırlanması planlaşdırılan Azərbaycan dili, rus dili, ədəbiyyat, riyaziyyat, fizika, kimya, biologiya, tarix, coğrafiya fənlərindən vəsaitlərin təklif olunan müəllif qrupları arasında görüş keçirilib.
DİM-dən “Qafqazinfo”ya verilən məlumata görə, görüşdə M. Abbaszadə bildirib ki, artıq 9 ildir respublikanın ümumtəhsil müəssisələrində yeni təhsil proqramları (kurikulumlar) tətbiq olunur və yeni məzmun standartlarına uyğun hazırlanmış dərsliklərdən istifadə edilir.
Sədr standartlara uyğun yeni dərs vəsaitlərinin hazırlanmasının vacibliyini iştirakçıların diqqətinə çatdırıb.
İclasda “müəllif qrupları” ilə yeni dərsliklərə uyğun müasir standartlara cavab verən dərs vəsaitlərinin hazırlanması, onların strukturu məsələsi geniş müzakirə edilib.
İclasın sonunda “müəllif qrupları” yeni dərs vəsaitlərinin hazırlanması ilə bağlı öz təkliflərini səsləndirib. Qərara alınıb ki, hər bir fənn üzrə ekspertlərin ayrıca görüşləri keçirilsin və yeni tədris standartlarına (kurikuluma) uyğun dərs vəsaitlərinin hazırlanmasına başlanılsın.
Son Xəbərlər
- 1
- 2
- 3
- 4
- 5
- 6
