Yeni Kaledoniya liderinin həbsi ilə iğtişaşların yeni dalğası başladı - Video

yeni-kaledoniya-liderinin-hebsi-ile-igtisaslarin-yeni-dalgasi-basladi
Oxunma sayı: 1610

Yeni Kaledoniyada müstəqillik tərəfdarlarının lideri Kristian Teynanın da aralarında olduğu 7 nəfərin Fransaya ekstradisiyasından sonra etirazların yeni dalğası başlayıb.

“Qafqazinfo” xəbər verir ki, bu barədə görüntülər xarici KİV-də yayılıb.

Məlumata görə, iyunun 24-də Teynanın Fransaya ekstradisiyasından sonra müstəqillik tərəfdarları yenidən ayağa qalxıb. Paytaxt Numeada polis bölməsi də daxil olmaqla bəzi bina və avtomobillər yandırılıb.

Xatırladaq ki, Yeni Kaledoniyada iğtişaşlar bu ilin mayın 13-də başlayıb. Bunun səbəbi Parisin yeni seçicilərə - 10 ildən çoxdur Yeni Kaledoniyada yaşayanlara yerli seçkilərdə səs vermək hüququ vermək qərarı ilə bağlıdır. Yerli əhali bu qərarın əleyhinə çıxıb.

Fransa Prezidenti Emmanuel Makron iyunun 12-si Yeni Kaledoniyada seçki islahatlarının dayandırıldığını açıqlayıb.