Gənc fəal Bəxtiyar Hacıyev küçələrin yaşlı insanlar tərəfindən süpürülməsinə etiraz edib.
“Qafqazinfo” xəbər verir ki, o bununla bağlı sosial şəbəkədə “Azəravtoyol”u ittiham edib. Qeyd edib ki, 20 Yanvar dairəsində bu saatlarda kişilər yol süpürməklə məşğuldur və həyatları təhlükədədir: “Bunun qarşısını almaq üçün “Azəravtoyol” küçə süpürən maşınlar almalıdır”.
“Qafqazinfo” məsələ ilə bağlı “Azəravtoyol” un Mətbuat xidmətinin rəhbəri Anar Nəcəfli ilə əlaqə saxlayıb. O bildirib ki, küçələrin, dairələrin süpürülməsi işi onların səlahiyyətinə daxil deyil: “ Bu işə mənzil-kommunal təsərrüfat sahələri baxır”.
Günel Türksoy