Yük maşını ilə avtomobil toqquşdu, yaralılar var - Foto
Zaqatalada dörd nəfərin xəsarət alaması ilə nəticələnən qəza baş verib.
“Qafqazinfo”nun məlumatına görə, hadisə bu gün səhər saatlarında Yevlax-Zaqatala-Gürcüstan sərhəd magistral yolunun Zaqatala rayonu Əliabad qəsəbəsi ərazisindən keçən hissəsində qeydə alınıb.
Belə ki,“Ford” markalı xırdatutumlu yük maşını ilə “VAZ 2106” minik avtomobili toqquşub. Qəza zamanı xəsarət alan 4 nəfər Zaqatala Rayon Mərkəzi Xəstəxanasına aparılıb.
Xəstəxanadan bildirilib ki, yaralılardan rayonun Əliabad qəsəbə sakinləri olan 1995-ci il təvəllüdlü Bədirov Malik Şaban oğlu və 1988-ci il təvəllüdlü Bədirov Elçin Rəcəb oğlunun müayinə və müalicəsi xəstəxanada davam etdirilir. Daha iki nəfərin xəsarəti yüngül olduğundan onlara ilkin yardım göstərildikdən sonra evə buraxılıblar.
Faktla bağlı araşdırma aparılır.
Mübariz Muradov
Son Xəbərlər
- 1
- 2
- 3
- 4
- 5
- 6
