Bu gün UEFA Çempionlar Liqasında ilk yarımfinalçıların adına aydınlıq gələcək. “Qafqazinfo” xəbər verir ki, bu baş tutan iki ¼ final mərhələsi oyunundan sonra bəlli olacaq. 

Turnirin iddialılarından olan “Barselona” səfərdə 1:0 hesabı ilə qalib gəldiyi “Mançester Yunayted”i qəbul edəcək. 

Kuboku qazanmağa digər namizəd olan “Yuventus” isə evdə “Ayaks”la qarşılaşacaq. Səfərdə 1:1-lik heç-heçəyə razılaşan italyanlar Turində mərhələ adlamağa çalışacaq. 

Çempionlar Liqası
1/4 final, cavab oyunları
16 aprel

23:00. "Barselona" (İspaniya) - "Mançester Yunayted" (İngiltərə)
Barselona. "Nou Kamp". Baş hakim: Feliks Brix (Almaniya)
İlk oyun - 1:0
 
23:00. "Yuventus" (İtaliya) - "Ayaks" (Hollandiya)
Turin. "Yuventus Arena"Baş hakim: Klemen Turpin (Fransa)
İlk oyun - 1:1

*** 

Oyunlar başladı.

Lionel Messi 16-cı dəqiqədə hesabı açır. “Barselona” 1:0 hesabı ilə öndədir.

***
“Barselona” hesab arasındakı fərqi artırır - 2:0. Lionel Messi 20-ci dəqiqədə dubl edir.

***
“Yuventus” da hesabı açır. Kriştianu Ronaldo italyanları 28-ci dəqiqədə önə keçirir. 1:0

***

“Ayaks” hesabı bərabərləşdirir. 34-cü dəqiqədə Van de Beek fərqlənir - 1:1.

***

Matçlarda fasilə yarandı. 

***

İkinci hissələr başladı.

***

“Barselona” “Mançester Yunayted”lə oyunda hesabı artırır. Koutinyo 61-ci dəqiqədə 3-cü qolu vurub.

***

“Ayaks” “Yuventus”la matçda geridönüş edərək önə keçib. De Light hollandları 67-ci dəqiqədə önə keçirib.

***

“Barselona” “Mançester Yunayted”i darmadağın edərək yarımfinala adlayan ilk komanda olub.

***

“Yuventus” “Ayaks”a 1:2 hesabı ilə uduzaraq 1/4 finalda mübarizəni dayandırıb.

***

Matçlar başa çatdı.