Zelenski “Şeremetyevo” faciəsinə görə başsağlığı verdi
Ukraynanın seçilmiş prezidenti Vladimir Zelenski Moskvanın “Şeremetyevo” Hava Limanında baş vermiş təyyarə qəzasının qurbanlarına görə başsağlığı verib.
“Qafqazinfo”nun xəbərinə görə, feysbuk hesabında bununla bağlı qeyd paylaşan prezident Şri-Lanka teraktını xatırladaraq hər iki faciənin həyatın qorunmalı olduğu ən yüksək dəyərlərdən biri olduğunu bildirib.
“Biz həlak olanların yaxınlarına görə təəssüflənirik və həyatda daha olmayan insanları xatırlayırıq”, - deyə o, yazıb.
Qeyd edək ki, mayın 5-də Rusiyanın Murmansk vilayətindən gələn “Aeroflot” aviaşirkətinə məxsus “Sukhoi Superjet 100” (SSJ-100) sərnişin təyyarəsi paytaxt Moskvanın “Şeremetyevo” Hava Limanına qəza enişini edən zaman yanıb. Hadisə nəticəsində göyərtədə olan 78 nəfərdən 41-i həlak olub.
Xatırladaq ki, aprelin 21-də Şri-Lankada baş vermiş 8 partlayışda 253 nəfər ölüb, 521 nəfər yaralanıb.
Son Xəbərlər
- 1
- 2
- 3
- 4
- 5
- 6
