Zeytun küçəsindən oğurluq olub

zeytun-kucesinden-ogurluq-olub
Oxunma sayı: 647

Fevralın 16-sı saat Zeytun küçəsi 13-ün qarşısında Vüqar Həsənov idarəetdiyi “Azsamad” markalı avtomobili yolun kənarındakı hasara vurub, nəticədə özü ölüb, sərnişini Namiq Abbasov xəsarət alaraq KTM-ə yerləşdirilib.

Bakı Şəhər BPİ Cinayət-Axtarış İdarəsi, İstintaq və Təhqiqat İdarəsinin əməkdaşları fevralın 16-da Ə.Naxçıvani küçəsində yerləşən “Prestij” çay evində Bakı şəhər sakini İlqar Dadaşovun qumar oyunları təşkil etməsini aşkar ediblər.

Sabunçu RPİ PPXB və 12-ci PB-nin əməkdaşlarının keçirdikləri əməliyyat tədbirləri nəticəsində avtomobillərdən oğurluq etməkdə şübhəli bilinənlər, Bakı şəhər sakinləri Elçin Nuriyev və Eldar Məmmədov fevralın 16-da tutulub. Məlum olub ki, onlar yanvarın 17-də Daşqın Muradova məxsus, yanvarın 18-nə keçən gecə Seymur Rzayevə məxsus, yanvarın 20-də Rasim Əsədova məxsus, yanvarın 23-nə keçən gecə isə Elgün Xudiyevə və Habil Babaşova məxsus avtomobillərdən oğurluq ediblər. Bundan başqa fevralın 12-nə keçən gecə Nəbi Məhərrəmova məxsus, fevralın 13-nə keçə gecə Müşfiq Zamanlıya məxsus, fevralın 14-nə keçən gecə isə bir-birinin ardınca Əliş Əsədova, Zülal Məmmədova, Hikmət Şərifova və Məmmədəli Məmədova məxsus avtomobillərə qanunsuz daxil olaraq oğurluq ediblər.

Yasamal RPİ NMB və CAŞ-ın əməkdaşlarının keçirdikləri əməliyyat tədbirləri nəticəsində Bakı şəhər sakini, əvvəllər məhkum olunmuş Orxan Abdullayevdən 303,1 qram, Bərdə rayon sakini Ruslan Süleymanovdan isə 780 qram heroin aşkar olunaraq götürülüb.