100-ə yaxın küçə və prospektdə təmir gedir
Bakı şəhərinin 12 inzibati rayonu üzrə genişmiqyaslı yol təmiri işləri davam etdirilir.
“Qafqazinfo” xəbər verir ki, bu barədə Azərbaycan Avtomobil Yolları Dövlət Agentliyi (AAYDA) məlumat yayıb.
Bildirilir ki, təmir işləri ümumilikdə 110-a yaxın küçə və prospekti, 800 min m²-dən çox yol sahəsini əhatə edir:
“Hazırda 20-yə yaxın küçə və prospektdə işlər tamamlanıb, 10-a yaxın küçədə təmir davam edir. Digər yol sahələri isə mərhələli şəkildə yenilənəcək.
Yay aylarında nəqliyyat intensivliyinin azalması işlərin daha operativ və səmərəli şəkildə icrasına şərait yaradır.
Yenilənən yol infrastrukturu daha rahat gediş-gəlişə, təhlükəsiz hərəkətə və keyfiyyətli yol örtüyünün formalaşmasına xidmət edir.
Yol infrastrukturu sahəsində həyata keçirilən işlər barədə yenilikləri rəsmi sosial media hesablarımızdan izləyə bilərsiniz”.
Son Xəbərlər
- 1
- 2
- 3
- 4
- 5
- 6
