16 yaşlı boksçunun ölümü prokurorluqda araşdırılır
III MDB Oyunlarında bürünc medal qazanan boksçu 16 yaşlı Əli Ruşanovun ölümü ilə bağlı araşdırma aparılır.
“Qafqazinfo”nun əldə etdiyi məlumata görə, yeniyetmə idmançının məşq zamanı həyatını itirməsi faktı ilə bağlı Xətai Rayon Prokurorluğunda araşdırmalara başlanılıb.
Faktla bağlı müvafiq ekspertizalar təyin edilib.
Azərbaycan Boks Federasiyasından bildirilib ki, fevralın 14-ü iki yeniyetmə boksçu - Vaqif Rüfət oğlu Məhəmmədli və Əli Fazil oğlu Ruşanov arasında şəxsi məşqçilərinin istəyi ilə sınaq döyüşü (sparrinq) keçirilib.
6-7 dəqiqə davam edən sparrinq zamanı Əli Ruşanov huşunu itirərək yerə yıxılıb. Dərhal təcili yardım briqadası müdaxilə edib və o, 1 saylı Şəhər Kliniki Xəstəxanasına çatdırılsa da, orada vəfat edib.
Xəbəri rus dilində oxuyun: В Баку расследуют смерть призера Игр стран СНГ на тренировке
Vaqif Məhəmmədli və Əli Ruşanov yaxın günlərdə keçiriləcək yeniyetmələr arasında Azərbaycan çempionatına hazırlaşmaq üçün məşqçiləri ilə birgə Bakıya gəliblərmiş.
Aslan Vəliyev
Son Xəbərlər
- 1
- 2
- 3
- 4
- 5
- 6
