Bakı dairəvi yolunda maşın yandı - Sıxlıq yarandı
Yasamal rayonu, Bakı dairəvi yolunda nəqliyyat vasitələrindən birində yanğın baş verib.
“Qafqazinfo” xəbər verir ki, bu haqda DİN məlumat yayıb.
Bu səbəbdən Bakı-Sumqayıt şosesi istiqamətində sıxlıq yaranıb. Hazırda polis və aidiyyəti qurumun əməkdaşları hadisə yerindədir. Sıxlığın aradan qaldırılması məqsədilə işlər görülür.
***
Fövqəladə Hallar Nazirliyinin “112” qaynar telefon xəttinə Bakı şəhərinin Qaradağ rayonu, Kənar Dairəvi yolda avtomobildə yanğın baş verməsi barədə məlumat daxil olub.
Məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.
Yanğınsöndürənlərin çevik müdaxiləsi sayəsində “MAN” markalı yük avtomobilində baş vermiş yanğın qısa müddətdə söndürülüb.
Yanğın nəticəsində yük avtomobilinin kabina hissəsi və qoşqusu qismən yanıb.
Avtomobilin qalan hissəsi və yaxınlıqda olan avtomobillər yanğından mühafizə olunub.
Son Xəbərlər
- 1
- 2
- 3
- 4
- 5
- 6
