Bakıda ana körpəsini taksidə qoyub qaçdı - Foto

bakida-ana-korpesini-takside-qoyub-qacdi
Oxunma sayı: 4151

Bakıda anası tərəfindən atılmış uşaq sığınacağa yerləşdirilib.

“Qafqazinfo” xəbər verir ki, ötən gecə paytaxt ərazisində naməlum qadın övladını taksidə qoyaraq uzaqlaşıb. O, sürücüyə su alıb qayıdacağam deyərək geri dönməyib.

Taksi sürücüsü hadisə ilə bağlı polisə müraciət edib. Polisin müşayiəti ilə azyaşlı “Qadın və Uşaq Sığınacağı”na yerləşdirilib.

Sığınacaqdan bildirilib ki, uşaq qidalanıb və orada ona yer ayrılıb, səhhətində hər hansı problem yoxdur.

Məsələ ilə bağlı DİN-in Mətbuat xidmətindən “Qafqazinfo”nun sorğusuna cavab olaraq bildirilib ki, hadisə ilə bağlı araşdırma aparılır.